ՏՆՕՐԵՆ

IMG_20160418_111649

Շիրազ Ալբերտի Գրիգորյան

                                                                        ԿԵՆՍԱԳՐԱԿԱՆ      ՏՎՅԱԼՆԵՐ

Շիրազ  Ալբերտի  Գրիգորյան.  ծնված   1958թ. ՀՀ   Սյունիքի մարզի Շինուհայր գյուղում:

Շ. Ա. Գրիգորյանը, 1978թ. ավարտելով  Երևանի  Խ. Աբովյանի անվան  հայկական պետական մանկավարժական ինստիտուտի բանասիրական ֆակուլտետը, աշխատանքի է նշանակվում    Գորիսի շրջանի Խոզնավար գյուղի ութամյա դպրոցում՝ որպես հայոց լեզվի և գրականության ուսուցիչ,որտեղ աշխատում է մինչև 1980թ.:   1980թ-ից  տեղափոխվում է  աշխատանքի Շինուհայրի միջնակարգ դպրոց՝ որպես հայոց լեզվի և գրականության ուսուցիչ՝համատեղելով Շինուհայրի ռետինե կոշիկների գործարանի ԼԿԵՄ կոմիտեի ազատված քարտուղարի աշխատանքի հետ: 1982թվականից իրեն ամբողջությամբ նվիրում է մանկավարժական գործունեությանը.երեկոյան /հեռակա/ դպրոցի կետի վարիչ,ուսուցիչ, տնօրեն…

1990թ.օգոստոսի 30-ին,հաշվի առնելով նրա  մասնագիտական խոր և կայուն գիտելիքները,կազմակերպչական ունակությունները,դպրոցի մանկավարժական,ծնողական   և աշակերտական կոլեկտիվների պատվիրակները Շ. Ա. Գրիգորյանին ընտրում են Շինուհայրի միջնակարգ դպրոցի տնօրեն,որը և մինչև օրս շարունակում է ղեկավարել:          Շ. Գրիգորյանը մինչև  տնօրեն ընտրվելը մոտ 9 տարի ղեկավարել է դպրոցի հայոց լեզվի և գրականության մեթոդմիավորման աշխատանքները,եղել առարկայական օլիմպիադաների շրջանային փուլի հանձնաժողովի անդամ,նախագահ,իսկ 2001 և 2002 թ.թ. նաև ՀՊՃՀ Գորիսի մասնաճյուղի ընդունելության քննությունների ստուգող հանձնաժողովի անդամ:Սկսած 1992թ. մասնակցել է բազմաթիվ մրցույթների և իր նպաստը բերել դպրոցի առաջընթացին ու զարգացմանը. 2002թ.  24-օրյա վերապատրաստում ԱՄՆ-ի Մեյն նահանգում,2004թ. ստացել է ,,Դպրոցի տնօրեններ և վարչական աշխատողներ վերապատրաստողի,,   հավաստագիր,2005թ.Դպրոց կենտրոնի ստեղծման ծրագրի շահում՝ուսուցիչների վերապատրաստում ենթածրագրով,2006թ. վերապատրաստվել և ստացել է ,,Հայոց լեզվի և գրականության  ուսուցիչ վերապատրաստող ,, -ի հավաստագիր: Դպրոցում 2006-2009թ.թ. կազմակերպել և բարձր մակարդակով անց է կացրել Գորիսի տարածաշրջանի կրթագոտու /քլաստերի / ուսուցիչների վերապատրաստում 9  առարկաներից:  2006թ. խմբագրել է <<Սյունիքի մարզի դպրոցների տնօրենները>> կենսամատենագիտական գիրքը:

Շ.Ա. Գրիգորյանն ունի մանկավարժական,  առարկայական  և  մեթոդամանկավարժական  գերազանց  պատրաստվածություն:  Երկար  տարիներ  աշխատելով  որպես տնօրեն և   ուսուցիչ՝ մանրակրկիտ վերլուծությունների միջոցով կարողացել է վեր հանել    դպրոցի առաքելությանը հասնելու ամենաօպտիմալ  տարբերակները,օգնել բոլորին՝ կրթության որակի բարձրացմանն ուղղված ձևեր ու մեթոդներ կիրառելու իրենց  դասապրոցեսնե-րում,մշակել բազմաթիվ ձևաթղթեր ու ռուբրիկներ,որոնք այսօր էլ հանրապետության շատ ուսուցիչների ամենօրյա գործիքներն են:  Ունի  կայուն  և  խոր  գիտելիքներ,  որն  անմնացորդ  տալիս   է  իր  սաներին:  Պատասխանատու  է, գործին  նվիրված,  ունի   պետական  մտածողության  բարձր   գիտակցում:

Կապված  է  մամուլի   և  էլեկտրոնային   լրատվամիջոցներին, նորարարության ջատագովներից   է, առաջիններից            ներդնողը:

Շ. Ա. Գրիգորյանի կատարած աշխատանքները անհետևանք չեն մնացել. նա բազմիցս արժանացել է պատվոգրերի,հավաստագրերի,շնորհակալագրերի, 2005թ.ԿԳ նախարարի հրամանով ,,Մատաղ սերնդի կրթության և դաստիարակության գործում ունեցած  ներդրումների համար,, պարգևատրվել է ԿԳՆ  Շնորհակալագրով,իսկ 2014թ. հոկտեմբերին, ուսուցչի տոնի առիթով, պարգևատրվել է ,, Գարեգին  Նժդեհ ,,    մեդալով

2015թ.արժանացել է հայոց լեզվի և գրականության ուսուցչի  որակավորման 1-ին տարակարգի:                                                                                          Իր  բարության,  նվիրվածության,  կարգապահության,  աշխատասիրության  համար  մեծ  հարգանք  է  վայելում  մանկավարժների,  աշակերտների, ծնողների, մարզի տնօրենների և հանրապետությունում իրեն ճանաչողների   շրջանում: